Шен дас къизаллаш лелайо, ткъа нана а, йиша а Iаьржа маги лелош ю боху Узбекистанан президентан Каримов Исламан йоIа Гульнарас
Шарахь сов малхбузера жигархоша ира-кара хIиттийначул тIаьхьа, шен пачхьалкхехь адамийн бакъонаш йохон тарлуш хиларх лаьцна дуьххьара шен Твиттерна тIехь яздина Каримова Гуьнарас. Еххачу хенахь узбекийн президент волчу Каримов Исламан лерринчу сервисаша лаьцна хьалха хилла гIаролхой. Царна тIехь хIинцале ницкъ бина я бийр болуш бу.
«Шарифутдинов Хайота лаьцна цхьаболу гIаролхой», яздина Каримовас. Схьагарехь,Чоьхьарчу Кхерамазаллин Сервисан хьаькаме шегга Шарифутдиновга яздеш ду иза. Советан пачхьалкхехь лелаш хиллачу кепехь кхин дIа а цо яздо: "Чемберленна жоп ду иза церан... башха хьекъале доцуш. ХIинца цара (Чоьхьарчу Кхерамазаллин Сервисо) царна еттар ю (хьалха хиллачу гIаролхошна)"
Цул а итт минот тIаьхьа, хIокху шеран Чиллан беттан 2-чу дийнахь арахецна лоьран тоьшалла хьалаоьллира Каримовас, стеган пIенда кагбина хиларх лаьцна. Пачхьалкхан Чоьхьарчу Кхерамазаллин ницкъаша йиттина волу Кхерамазаллин ницкъийн векал ву иза бохуш яздина Каримовас.Сегодня Хаётом Шарифутдиновым -Нач СБ были арестованы бывшие сотрудники охраны! Вот и ответ Чемберлена...не очень умно! Теперь будут бить
— Gulnara (@GulnaraKarimova) November 4, 2013
https://twitter.com/GulnaraKarimova/statuses/397378117360447488
Викиликсо гIарабаьхначу Iамеркан Пачхьалкхан Департаментан хаамашкахь цкъа Каримова, Узбекистанехь «уггар бIаьрга схьа ца езачух коьрта стаг ю» бохуш хьахийнера. Махбузера журналисташа а, адамийн бакъонаш ларъярхоша а дуккхаза а хитинера цуьнга, цуьнан пачхьалкхехь политикан оппоненташна тIехь, низаме баьккхина къиза ницкъ барах лаьцна.
Штройляйн Эндрю, Human Rights Watch организацин медиа диерктор ву. Иза дуккхаза хьаьжнера масех гIуллакхехула цуьнга хаттар дан. «Иза стенгахь яра, эзарнаш кхин болчу нахана тIехь къиза ницкъ латтабо бохучу хенахь?», аьлла хаттар дира цо.
Штройляйн: Нагахь санна иза цунах лаьцна дийца хIинцца йолаеллехь, цунах шех хьакхалуш ду иза. Цунделла, цIеххьаша, цунна саготта хилла иза»
Твиттерехь цо бина хаам, тIаьххьара тоьхна топ ю, 41 шо долчу Каримовас ГIадужу-бутт юккъе баьлчхьана дуьйна дIакхоьхьучу тIамехь. Схьагарехь, ша Каримовс омра а делла, шуьйра талламаш бу Гульнарас динчунна а, лелийначунна а хьокъехь дIахьош.
Каримоваца мел доьзна медиа-холдинган ахчанаш. Эфирера дIаяьхна цуьнан доларчу масех телевизионан а, радион а программаш. Лаьцна цунна уллера нах.
Схьагарехь, кхин гIирс ца карийна, Твиттерехь яздан йолаелла иза шен халахетарх лаьцна. Цкъа-цкъа тамашийна ду цо яздийриг. Цо шен нана бехке йо, йилбазан хIума лелорна. Ткъа шен йиша бехке йо, цо холмачалла, Iаьржа маги лелорна. Шен да, советан заманера диктаторх Сталин Иосифах тарво цо.
Штройляйна бахарехь, адамийн бакъонаш йохош лаьттачу юкъараллина пайда бала тарло. МостагIалла лелочу агIонаша гучудаккха тарло, царна зуламе дер долу, цIармат хIума. Баханчу ГIадужу баттахь Штройляйна болх бечу Human Rights Watch организацино хьесапе эцна, Узбекистанехь ницкъ бар алсамдалар.
«Схьагарехь, шлюзаш йиллина яц, амма цунах чекхдолу алссам хи гойла ю вайн», элира цо.
Штройляйн: «Ма-дарра аьлча, ницкъ барна тIехь кхоьллина а, инзаре адамийн бакъонаш а йохош, ерриг юкъараллехь кхерам тасарна тIехь лаьтта режим йоха йолаелча, иза цхьацца фракцешка екъало. И фракцеш, цхьаъ вукхул а сов вовше бехъян хьовсур ю. Иза ишта хуьлуш а, догIуш а гIуллакх ду.»
