Европа критике яьккхира Оьрсийчоьнан арахьарчу гIуллакхийн министра Лавров Сергейс, цо дестадо кху муьрехь Украинера хьал, аьлла.
Ша журналисташна Москох интервью луш цо, «тIемалой» аьлла, тIе цIе а кхоьллина, Украинехь зуламаш лелорна, Iедалх летарна бехке а беш, бийцира Киевера гуламхой. Цара лелориг Европан стандарташца дахккане а ца догIу, аьлла хета Лавровна.
Цунна хетарехь, Европера цхьаболу политикаш бу украинахой къепедацаршка кхойкхуш, къомана юкъа цим туьйсуш. Оьрсийчоь кийча ю, бохура Лавровс, Украинерчу Iедалний, оппозициний юкъа машар боза.