ОвхIанистанан президентан харжамашна динчу жамIашна резавоцуш вуьсу кандидат Iабдулла Iабдулла дакъалоцуш ву толамхо къастош кхаьжнаш дагардечу муьрехь. Оцу сацамна тIе иза веъна кIирандийнахь, Цхьаьнакхеттачу Къаьмнийн организацино юкъарло а деш, харжамийн жамIаш къастаден некъ билгалбоккхуш.
Йозушйоцчу Харжамийн комиссин векала Нур Мохьмад Нурас хаам барехь, Iабдуллин векалш бара оршотдийнахь кхаьжнаш багарбеш дакъалоцуш. Iабдуллиний, шолгIачу кандидатна ГIани Ашрафний юкъахь дардацар иккхинера харжамхойн 8 миллион кхаьжнаш дIасабоькъуш харцонаш лелийна бохучу тIегIантIехь.