Мисар-махко юкъарло дарца, 72 сахьтана тIом а сацош, Израило Палестинан Газа-кIоштара арадаьхна шен эскарш, хаам бо Иерусалимо. Цигарчу эскарийн векала Лернер Питера бахарехь, Газера танканаш, эскарш ара а девлла, дозанашца дIатарделла. Амма и барт бечу муьрехь а тIемаш бара Израиланний, Хьамасанний ницкъашна юкъахь лаьтташ. Хаьмасо ракеташ тоьхна Израилан агIор, вукхара пхиъ авиатохар дина. Амма хиллачу дарех дерг хууш дац. 1850 палестинахо а, 67 израилхо а вийна ларало конфликт латтачу кхаа кIиранна чохь.
