Исламан пачхьалкх тобано йийсарехь латтош волчу Iамеркерчу журналистан Сотлофф Стивенан нанас дехар дина тIемалошка шен кIантах къинхетам бахьара аьлла. Сотлофф Ширлис Исламан пачхьалкхан куьйгалхочуьнга ал-БагIдади Абубакре дехар деш яьккхина йолу видео гучуяьлла интернетехь. Цу зудчо дехар дина цуьнга Мохьмад-пайхамар деш хиллачуьнах масал а эций, къинхетам бахьана шен кIантах аьлла.
«Аса доьха хьоьга сайн кIант маьрша ваккхар. Аса доьху хьоьга хьайн бакъонах пайда а эцна, иза дийна витар» - боху Сотлофф Ширлис видеон тIехь. Исламан пачхьалкхо дIахьедар дина шаьш Сотлофф вуьйр ву, нагахь Iамерко шайна герзаш деттар саца ца дахь аьлла.