Харковехь милицино дIасалаьллина Iедалша йихкина хиллачу митинган декъашхой. И акци вовшахтоьхнарш бара Коммунистийн партин агIончаш. Украинин чоьхьарчу гIуллакхийн министро Аваков Арсена бинчу хаамца, митингехь лаьцна ткъех стаг.
Министро дийцарехь, иза яра Украинина дуьхьал хьажийна акци. Цигахь дакъалоцуш вара 100 гергга стаг. КIирандийнахь Харковехь хила езаш ю «Харков Украина ю» аьлла йолу митинг.
