Оьрсийчоьнан президента Путин Владимира Москох еарийдийнахь гулйинчу инвесторийн конференцехь дийцира, Малхбузено бахьана а доцуш кхайкхийначу санкцеша цхьа а зе дийр дац Оьрсийчоьнна, аьлла. Пачхьалкх шен экономика дебош а, кхуьуш-хазлуш а, массарна а шен неIарш йиллина а еха, бохура Путина. Малхбузе херъяларх, Китай а ю Оьрсийчоьнна йохк-эцар шоръян, бохура цо.
Ткъа кху деношкахь охьадужуш, механа лахлуш ду Оьрсийчоьнан сом. Санкцеша эшаме йигинчу компанешна Iедало гIортор йийр ю, элира Путин Владимира инвесторш дебон болчу лаамца вовшахтоьхначу конференцехь.