Европан лидерша къобалдо Оьрсийчоьно Украинана газ йохкар меттахIотто сацамбар а, президента Путин Владимира Донбассерчу сепаратисташа дIахьош болу харжамаш лигитимехь бац алар а.
Путинан а, Украинан а, Германин а, Францин а президенташа Порошенкос, Меркелас, Олланда а телефонехула динчу къамелан лар ю иштта хийцамаш Оьрсийчоьно бар. Брюсселехь дехха лаьттира Украине оьрсийн «Газпромо» ягориг кхачорах долу дийцарш.
Немцойн Iедалерчу цхьана векало ма-аллара, боккха толам бу Европе, шех чекх а йоьккхий, газ транзитехь дIакхачочу Украинана оьрсашца барт карор.
