Москох гIалин кхело низамехь лору «Ив Роше» компанин долара ахча лачкъорна бехкевен оппозицин политик Навальный Алексей лаьцна, цIера ара ца волуьйтуш кхабар. Цунах лаьцна хаам бо оппозиционеран прес-секретара Ярмыш Кира.
Вежарий НавальныйгIар - Алексей а, Олег а - бехкебо «Ив Роше» компанин 30 миллион сом лачкъорна. Царна кхайкхо тарло итт шарна набахти. Делахь а, «Ив Рошен» финансийн директоро Мельник Кристиана дIахьедина, шайн цхьа а претензеш яц НавальныйгIаьрга, аьлла. Вежарийн накъосташа а, адвокаташа а уьш кхеле ийзор политикан бух болуш лору.