Цхьанакхеттачу къаьмнийн организацин Инарла секретара Пан Ки Муна Пакистанан Iедале дехна шайн махкахь ша байъа кхачийна нах ца байар а, стаг верна тоьхна лаьттина мораторий меттахIоттор а. ПIераскандийнахь телефонехула и къамел дина Инарла секретара Пакистанан премьер-министрца Шариф Навазца.
Шарифа жоп делла, низам дуьззина лардийр ду Пакистанан Iедало аьлла, амма ца делла дош нах ца байа. Пешаварехь итт де хьалха 151 школера дешархо а, хьехархо а веро кхачийна Пакистан стаг верна тоьхна хилла мораторий юхаяккхаре. 500 зуламхо вен кхачийна кхело.