Роскомнадзор урхаллан Камчаткерчу декъо кехат дахьийтина меттигерчу зорбанан гIирсашка, динца йоьзна карикатураш зорбане яха мегар дац аьлла. Царна юкъахь ю кху беттан 7-чу дийнахь Парижехь хилларг дуьйцуш ехкинарш а, динах хьакхалуш ерш а.
Кехат тIехь аьлла ду, и дехкар дохор «Экстремизамаца къийсам латтор» олу низам дохор санна лорур ду аьлла. Кху беттан 7-чу дийнахь Парижехь вийра 12 стаг. Царна юкъахь вара ислам дин сийсаз деш карикатураш ехкинчу журналан 7 белхахо а.