ТIекхочийла долу линкаш

ЦIеххьана кхаьчна хаам!

Царнаевна вен кхел ярна дуьхьал ду цо вийначу кIентан да-нана


Бостонехь эккхийтар дича вийначу кIентан дас-нанас кхайкхам бина Iамеркин Iедалшка, Царнаев ЖовхIарна вен кхел маяхьахьара аьлла. БархI шо хилла Ричардс Мартин цхьаъ ву 2013-чу шарахь Охан-баттахь Бостонехь ши эккхийтар дар бахьана долуш вийначу кхаа стагах. Цуьнан доьзало динчу дIахьедар тIехь дуьйцуш ду, Царнаевна вен кхел яхь, латкъамаш беш кхин дIа а дахлур ду цунна кхел яр, ткъа цу гIуллакхо чакхе йоцуш юх-юха а дагатуьйсуьйтур ду шайна уггаре а дахарехь хилла кIиза де аьлла.

Даханчу кIиранах бехккъасторхоша бехке лаьрра Царнаев, Iалашо а йолуш, адамаш дайарна. Шинарин дийнахь кхело къаcто долор ду цунна таIзар дарца доьзна хаттар.

Ричарсон Мартинан дас Билла а, цуьнан нанас Денизас а шайн дIахьедар дина ПIераскан дийнахь Boston Globe газетехь. Бостонехь динчу лелхийтаршкахь байинчу кхечу нехан гергарнаш лууш бу Царнаев ЖовхIарна вен кхел яйта.

New Comments Available

Оха хьоьхург

XS
SM
MD
LG