ШиIатойх вовшахкхетта тIемалойн тобанаш декъаяхана Iедална ницкъаша «Исламан Пачхьалкх» олучу ницкъашкара кIирандийнахь яьккхина Анбар провинцин шахьара Рамади юхаерзош бечу тIемийн. Рамадина гергарчу Iедалан тIеман базе дIагулъелла гIала къовса гIаьттина и ал-ШаIаби шех олу тоба, бохура оршотдийнахь Анбаран кхеташонан куьйгалхочо КIархIут Сабахьа.
И шиIатойн тоба хьалхо билгалъелира Тикрит гIалахь бехачу суннатошна тIехь гIело йина аьлла. Оцу бахьанийца Иракъан премьер-министра а, Анбар провинцин Iедалерчу суннатоша а, цаьрца цхьаьна Iамеркан Штаташа а ца бевлла магадо Рамади гIала юхаерзош вовшахтухучу тобанашлахь динан гаранах, шиIатойх, пайдаэцар.
Ткъа оршотдийнахь Анбарерчу суннатойх болчу куьйгалхоша даредо хIоьттинчу хьолехь ал-ШаIаби тоба жихIадхошца бечу тIамехь пайде хилар.
