Оьрсийчоьнан Де даздеш шайн пачхьалкх пIераскандийнахь хиллехь а, и хIун де ду ца хаьа дукхахболчу мехкан бахархошна. Иштта хаамбина ВЦИОМ олучу социологин центро.
ДоьалгIачу декъал сов бу дезчу дийнан цIе а ца хууш, деаннах кхаа декъанна ца хаьа стенца дузуш аьлла дийнах Оьрсийчоьнан Де. Советан Iедал доьхча, Оьрсийчоьнах йозуш йоцу пачхьалкх хилла де ларало Мангал-беттан 12-гIаниг. Иза даздан, мархаш дIасалохкуш хьийзира Москох кеманаш. Концерт хIоттийна Кремл тIехь лаьттачу ЦIечу Майданахь. Эзарнаш полисхой бара хадан арабаьхна.
