Фабио Капелло Оьрсийчоьнан футболан тобан коьрта тренер волчура дIаваккха веза аьлла кхайкхам бина Пачхьалкхан Думан декъашхоша. Физкултаран а, спортан а комитетан куьйгалхочунна Ананских Игорна хетарехь, Капеллос цхьа пайда бохьур бац оьрсийн тобанна.
Италера футболан говзанча Капелло Фабио куьйгалхо хIоттийра Оьрсийчоьнан футболан тобанна 2012-чу шарахь. Цуьнан шеран алап ду 7 гергга миллион евро. Нагахь Капеллоца йина контракт юкъахъяккхахь Оьрсийчоьнан дала дезар ду цунна 30 миллион гергга евро .
