Адамийн бакъонийн тергоечу Амнести Интернейшенл юкъаралло дIахьедина, карара шо доладелчхьана схьа ГIажарийчоьно вен а кхачийна, таIзар кхочуш дина 694 стагна тIехь, аьлла. Оцу хьукмато бахарехь, стохка ТехIерано вен а кхачийна, садаьккхина 743 стеган. Сацамаш кхелаша цхьа а къовсам а боцуш, шаьш-шайггара бо, дуккха а и тайпа таIзарш дина бехктакхаман кодексехь доцчу, я бехк къастийна а боцчу зуламашна дуьхьал, бехкебечарна ур-атталла адвокаташ а ца ло, я арздан бакъо а ца ло, чIагIдо Амнести Интернейшенло.
