Дагестанехь шен дарж дитина Хасавюртан мэро Умаханов Сагидпашас. Цу гIалин администрацин куьйгалхо иза хаьржинера 1997-чу шарахь. Цхьана ханна Хасавюртан гIалин да хIоттийна Окмазов Зайнуддин.
Ткъа Умахановс министран дарж дIалаца мегаш ду аьлла хаамаш баьржина Дагестанехь.
Хууш ма-хиллара, Умахановна реза воцуш вара Нохчийчоьнан администрацин куьйгалхо Кадыров Рамзан. Цо бехке веш вара Хасавюртан мэр тIемалашна гIо деш ву бохуш.
