ТIеман операцеш дIахьош урхалла дан леррина штаб кхуллур ю Евроберто аьлла, дIахьедар дина Кхаарин дийнахь Страсбургехь Европарламентан сессехь вистхуьлуш Еврокомиссин президенто Юнкер Жан-Клода.
Евробертана юкъайогIучу пачхьалкхийн армеш ша-ша яьккхича аьтто болуш яц радикалан исламисташна а, Оьрсийчоьнан агрессина а дуьхьал латта аьлла билгалдаьккхира цо.
Юнкера дийцарехь, Евробарто леррина штаб кхуллур ю Британи цхьаьнакхеттачу Европана юкъараяьллачул тIаьхьа. ХIара шо чекхдалале Еврокомиссино кхуллур ю леррина фонд, кхерамашна дуьхьало яр хьокъехь талламаш бан а, цу Iалашоне кхочуш инновацеш кхолла а.
