Дикаев Мохьмад. Нана
«Макхъелла. Хьо букар
хьовзийна хено.
Хебаршка некъ бина
хьомечу юьхь тIехь,
Ша къега дашо чIуг
буткъачу пIелгахь…
ДIадаьлла хьан гIуллакх»,
– цхьаццаммо нене
Олий, дог дохадо,
тIехула бIаьрг тухий,
Ца хууш, нана юй даимна къона.
Гуттар а цо лучу кийрарчу йовхонах,
Схьаюьйлуш, еттало безаман тулгIе.
Дикаев Мохьмад похьмаллин нохчийн байтанча вара. Иза винера 1941 шеран Гезгмашин-беттан 1-чу дийнахь Соьлж-ГIалахь, кхелхира 1979 шеран ГIадужу-беттан 29-чу дийнахь. Дикаев Мохьмадан байташ дуьххьара зорбанехь араевллера 1960 шераш дуьйлалуш нохчийн маттахь долчу газетийн а, «Орга» алманахан а агIонаш тIехь. Поэтан шен дуьххьарлера жайна арадаьлла 1965 шарахь. «Нохчийн хIусам» яра жайнин цIе.
“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832