ТIекхочийла долу линкаш

ЦIеххьана кхаьчна хаам!

Оршотдийнахь Киево а, Москвано а лецнарш хуьйцуш хилар бакъ ца до адвокато


Украинехь дIалаьцначу масех Оьрсийчоьнан вахархочун адвокато Рыбин Валентина дIахьедина, Москвана а, Киевна юкъахь оршотдийнахь тутмакхаш хийцар хир дац аьлла.

"Царна гечдеш Зеленскийс омра ца дахь, цхьа а цхьанхьа а гIур вац. Цкъачунна омра доцуш ду", - аьлла Рыбина, яздо "Новости" агенталло. Хьалхо адвокато хаамбинера, Киевехь лецна латточийн оьшу кехаташ кечдеш ду аьлла. Цунна хетарехь, шинаридийнахь хила тарлора тутмакхийн хийцарш.

ПIераскандийнахь Украинан кхерамзаллан Урхаллан пресс-секретаро Гитлянская Еленас дийцира, билггал лецнарш хуьйцуш де билгалдаьккхина дац хIинца а аьлла.

"Коммерсанто" яздарца, лецнарш а, хан тоьхнарш а хийцарх дийцарш долийра Украинан а, Оьрсийчоьнан а шина президентна юкъахь Товбеца-баттахь телефонехула къамел хиллачул тIаьхьа.

Марсхьокху-беттан тIаьххьарчу деношкахь Москварчу "Лефортово" СИЗО-хь Украинан 30 гергга вахархочух информаци вовшахтуьйхира. Уьш бехкебо Оьрсийчохь зуламаш лелорна.

Украинан 24 хIордахочун гIуллакхаш Киеве дIахьажийна кхи дIа цигахь таллийта. Марсхьокху-беттан 30-чохь Оьрсийчоьно маьршабехира стохка гурахь Iаьржачу хIорда тIехь Керчан гечонехь Оьрсийчоьнан ницкъаша лецна латтийна хIордахой.

XS
SM
MD
LG