Хушет тIеваха хала долчу эвланех ю Дагестанехь. Ша-тайпа юрт а ю иза.
![](https://gdb.rferl.org/0F6B7C1C-801A-416F-AD99-EB9F38224BD7.jpg)
Тамашена хIуманаш ган таро ю эвла воьдуш. Дуьххьара 50 сов километр некъаца тесна ю газан биргIа. Амма цу чохь цкъа а ца хилла я хир а яц газ. Мекхайоьлла, зарзйелла ю биргIанаш. Цхьайолчу меттигашкахь йохийна а ю и биргIа. Коьртачу трассина тIера некъ дIахьоьвзу ломан басехула. Некъаца Iохкуш ю дуккха а шира ярташ, дIатесна цIенош а долуш.
![](https://gdb.rferl.org/192ABA89-0DA7-472E-A10D-92C290BCE5BC.jpg)
Фотоаапарат карахь стаг гича иза тIеоьцу зударша террорхо волуш санна. Цунна гучура дIабовла сихло уьш
![](https://gdb.rferl.org/C1277620-2F1C-4496-97A7-44EA60FC69BD.jpg)
Хьаша тIеэцарца хала ду кхузарчу нахаца къийса: Метрадехь лаьцначу таксисто кхача белира суна, некъ хаддалц лома дIавигира со, ломан дукъ хадош гIо дира суна тIоьрмиг дIабахьа, эххар дуьхьалвелира иза шега кховдийна эхча схьа ца оьцуш.
![](https://gdb.rferl.org/D08CB979-549B-480E-99DB-364CC9FC8256.jpg)
![](https://gdb.rferl.org/BB080568-0D5B-4626-ADBC-97510236892F.jpg)
![](https://gdb.rferl.org/CBA02EC2-F05E-439C-870A-0BF77B3F82CA.jpg)
Эххар а некъ чекхбелира. ТIаьххьара бархI сов километр тачанца ваха дезаш хуьлу Хушета, ломан дукъ хадош, эвлахь гIишлош ян оьшург дохьуш йогIучу варрийн коврашна некъ а буьтуш.
![](https://gdb.rferl.org/A629668B-4A2C-4D31-B4EA-E285DD759EBC.jpg)
![](https://gdb.rferl.org/E3D48D3D-F600-45D3-949E-51500CC52B69.jpg)
![](https://gdb.rferl.org/6C03E1CB-B670-4646-8255-26D1195B6CC5.jpg)
Хушет, юьстаха ехаш ялахь а, кхуьуш эвла ю. Бахархойн терахь лахлуш дац кхузахь, бахархоша латточу варрийн терахь санна. ХIора доьзалехь ю ши-кхо "лергаш деханиг".
![](https://gdb.rferl.org/4D430FAD-5FEF-4DFB-B0DD-AF41858E9A5A.jpg)
![](https://gdb.rferl.org/CFA30C24-24B4-4BE6-BD3A-DAED75E64E1B.jpg)
![](https://gdb.rferl.org/62C5B6C5-ADC7-4F03-82A9-8F6E705CDCDC.jpg)
Хушетан пхьоьха ю юьртан администрацина уллехь, цIийнан тхов тIехь. Божарий турмала хоьжуш бу, дехачу гIаьнта а хевшина. Турмал кхузахь массера а ю ала мегар ду. Иза даима а шайца лелайо Хушетан бахархоша. Цхьаберш турмал хьоьжуш хуьлу леррина цу хьашташна динчу цIийнан чохь мовлад доьшчу ханахь а. Цу чуьра дика гуш ду лахахь Iохку кешнаш.
![](https://gdb.rferl.org/F73BA0AC-EC9E-4D82-8559-D74C8677D9E9.jpg)
Эвла вогIу стаг мила ву къастадо турмалца юьрта иза кхачале.
![](https://gdb.rferl.org/0876E01E-C2D0-4C6D-9C9A-4EAAA721C67C.jpg)
Эвлан гергахь хIоллам бу, суьйлийн маттахь тIе яздина йоза а долуш. "Дала геч дойла, ша хьийзочу гӀелойийрахошна тIехь толам боккхуш, кхузара бердах иккхинчу АбутIалибан йоIана Паризена". Лахохьа гайтина ду цуьнан дахаран шераш: 1925 – 1943. Юьртахоша дийцарехь, цу йоIан да обарг хилла. НКВД-н белхахоша, шайга иза лаца ца велча, дIалаьцна [bkkf цуьнан йоI. ДIаюьгуш уьш ша хьийзо гIоьртича бердах иккхина 18 шо долу йоI.
![](https://gdb.rferl.org/021A6635-0161-4B57-8DC2-ECB623C9A282.jpg)
![](https://gdb.rferl.org/F5BFEDD8-312B-4585-A409-CFB49F93FEFD.jpg)
![](https://gdb.rferl.org/37CD77C8-C7FF-42CA-BD66-D1DC40DF33D9.jpg)
![](https://gdb.rferl.org/5F8FAEEE-5450-4F15-98A9-48E97191A2FB.jpg)
Школан уьйтIахь физкультуран урокехь футболах ловзу йоIарийн а, кIентийн а тобанаш. Футбол дукха еза кхузахь. Цунах ловзархьамма леррина майда кечйина кхузахь, гонах аьчкан серийн керт а йина, чиркхаш а тесна. Цу майданахь ловзарш дахло наггахь буьйса юккъе яххалц. .
![](https://gdb.rferl.org/35EA412F-E990-4DAE-9F69-4C127D0C7906.jpg)
![](https://gdb.rferl.org/58C07126-BC11-406C-89B9-6C920DA4A04A.jpg)
![](https://gdb.rferl.org/4178E668-9854-4899-8AE4-481316BE591D.jpg)
Официалан картанаша гайтарца, Гуьржийчоьнца доза ду Хушетара дIа цхьа-ши километр дIавахча. Кхин дIа ю гуьржийн ярташ. Делахь а, цӀинцӀолг санна жима ши юрт Ибцохи а, Черо а хушетхоша шайн лоруш ю. Цига лела уьш жа дажо, дозанхоша дуьхьало а ца еш. Хушетахь ю интернетах пайда эца аьтто болу вуно дика гуьржийн мобилан зIе.
![](https://gdb.rferl.org/D864B207-E27B-4815-8168-140A076B7CFA.jpg)
![](https://gdb.rferl.org/1E4D3D03-468F-4CA6-9B27-AFF6A42C2775.jpg)
Хазйина неI йолчу хазачу маьждиг чохь лач тийсина гIортораш ю тхов чу ца божийта. ДжамаIатан ламаз динчул тIаьхьа зударша нораш хьокху урамашка. Цундела эвла вуно цIена ю.
![](https://gdb.rferl.org/C7C7B2EC-EABD-477A-B39A-10252428092E.jpg)
Цумадан кIоштан цхьана депутато дош деллера, харжамашкахь толам баккхахь ша шен чоьтах Хушета некъ буьлур бу аьлла. Цундела цецвала оьшуш дацара цуьнгахьара берриг а цу эвларчу бахархоша кхаж тесна хиларх. Шен дош цо лардира. Кестта жагIанан некъо го тосур бу ломан дукъана, тIаккха иза гуш хир бу эвларчу пхьоьханера дIахьажча.
![](https://gdb.rferl.org/89BF21DA-FAF8-49E8-BAA2-B38EE138FA7E.jpg)
![](https://gdb.rferl.org/0276958D-EAE0-41D9-A5B7-90107A36FC9C.jpg)
![](https://gdb.rferl.org/DABCF840-0145-4F44-BD77-BA182CC594D9.jpg)