Къилбаседа-Кавказан федералан гонашкарчу регионашкахь дахначу шарахь белхан алапа, юккъерчу барамехь аьлча, 20 эзар сом гергга хилла. Йоллу пачхьалкхехь а уггар лахара гайтам бу иза.
Росстатан зерашца, Оьрсийчохь 32, 9 эзар сом оьцуш хилла. Цхьаццайолчу регионашкахь 60 эзаре кхочуш хилла белхан алапа.
ГIебарта-Балкхаройчохь а, Кхарачойн Чергазийчохь а, Нохчийчохь а, Дагестанехь а бахархоша эцна 19 эзар сом. ГIалгIайн бахархошна кхочуш хилла 18, 6 эзар сом, ткъа Къилба-ХIирийчуьрчу белхалошна 20, 2 эзар сом.
