Нохчийчоьнан куьйгалхочун Кадыров Рамзанан йоккхахйолчу йоIа, Firdaws Модан ЦIийнан директоро Кадырова Iайшата Парижехь духаран керла коллекци гайтина.
![](https://gdb.rferl.org/B57DA3C2-6995-4A5C-8D24-BE07417322A0.jpg)
Гуьйренан а, Iаьнан а коллекцин презентаци ян кийча ю Кадырова. "Безаман истори" ю цуьнан цIе.
![](https://gdb.rferl.org/BE521065-9B44-48D9-8EA5-54D2DFEBB467.jpg)
Хьеший бу схьагуллуш. Модельера бахарехь, духаршца шен ден а, ненан а юкъаметтигех дийца лиира цунна: "Суна сайна гира дас сан нанна эдельвейсийн курс кховдош. Лаьмнашкахь кхо де даьккхинера цо и зезагаш лоьхуш. Суна дагадеара модан маттахь оцу исторех лаьцна дийца, бакъду, сайн лаам кхочушбан масийтта шераш ийшира суна, говзанчашна уникале техникаш а Iамош".
![](https://gdb.rferl.org/C0589DF3-FDF2-4CFF-86CF-C5E7E45C3875.jpg)
Хьиджабашца цхьана Соьлжа-гIалара дийнна симфонин оркестр а ялийна Кадыровас. Нохчийчоьнан куьйгалхочо Кадыров Рамзана яздарца, "Модан дуьненахь маьIне хилла ца Iа и хилам": «Билггал Iаламат боккха синIаткъам бина цо. Парижан бахархошна а, хьешашна а гира, нохчийн къоман исбаьхьа култура хилар, шеца музыка, литература, кхолларалла хилла ца Iаш, исбаьхьа мода а йолуш».
![](https://gdb.rferl.org/7334E917-120C-4516-8EF3-96A5ABF2CEE3.jpg)
![](https://gdb.rferl.org/68130FEC-561A-4E49-8D8C-EF62BAE92C54.jpg)
![](https://gdb.rferl.org/155C456D-6FEC-4447-82B2-93537BABA292.jpg)
Моделаш кийча бу. "Русские сезоны" аьллачу фестивалан гурашкахь дIаяьхьна хилла, дийцарехь, дефиле. Синбахамаллин министраллан а, Оьрсийчоьнан администрацин а проект и хиларна тIе тидам бахийтича, хууш дац бюджетан ахча ду цига хьажийнарг, я бизнесхоша дакъалаьцна.
![](https://gdb.rferl.org/0A9AD4EA-743B-49AB-8910-922C2C9D3FFA.jpg)
Хьеший ладоьгIуш бу. ТАСС агенталло дийцарехь, Оьрсийчоьнан Францера векал Мешков Алексей а хилла хьешашлахь. Палестинан а, СаIуда Iаьрбийчоьнан а, Узбекистанан а, Цхьанатоьхначу Iарбойн Эмиратийн векалш а цхьана хилла гайтамехь.
![](https://gdb.rferl.org/3D3A4C9C-1A26-49C3-9FDD-807420B9E469.jpg)
Дефилехь дакъалоцуш бара кеп-кепарчу мехкашкара моделаш: Австралера а, Голландера а, Францера а, Китайра а, Найробера а, Кенера а, ишта кхиберш а.
![](https://gdb.rferl.org/1713AB97-602E-4A3F-A263-C71BB9F9741D.jpg)
Оьрсийчоьнан федералан каналаша репортажаш йира Кадырован гайтамах дуьйцуш.
![](https://gdb.rferl.org/D3B72655-E4E1-4BC2-9B0F-EEB01FB576F9.jpg)
![](https://gdb.rferl.org/B999C8C8-A74E-4816-AE30-5468C48279AD.jpg)
![](https://gdb.rferl.org/295C3D20-75DF-4DE4-A5BF-90BB1B588164.jpg)
Ткъа нохчийн хаамийн гIирсаша коллекци гайтар "Парижера триумф" ю аьлла. Францхойн прессехь кIезиг информаци ю цунах лаьцна.
![](https://gdb.rferl.org/23D2CF9C-4B18-4D88-B852-E09D24EF6079.jpg)
![](https://gdb.rferl.org/1C08B57D-7F7D-4228-82E3-8DFCE746A49B.jpg)
![](https://gdb.rferl.org/EEE1022F-DC96-49F1-9D6C-D5AC3DF15FB4.jpg)
2009-чу шарахь Нохчийчоьнан куьйгалхочун хIусамнанас Кадырова Меднис кхоьллира Firdaws Модан ЦIа. Ткъа 2016 -чу шарахь шен йоккхахйолчу йоIе кховдийра цо куьйгалла дар.
![](https://gdb.rferl.org/DAF48CE7-C8F2-456F-BB8D-7A32395350DE.jpg)
Оьрсийчоьнал а арахьа дуьххьара гайтам бара иза Кадырова Iайшатан. Кхул хьалха Соьлжа-г1алахь а, Москвахь а презентацеш хилира цуьнан.