Дика а, дIасалела аьтто болу а урамаш хилар, куьцехь, дика йина гIишлош а, хIусамаш а хилар чIогIа мехала ду. Амма дахар цунах лаьтташ хилла ца Iа.
Цу хьокъехь дара оха кху кIиранахь эфирехь дийцаре дан диллина хаттар. ГIишлойх а, урамех а тоам беш Iар коьрта хета шуна, я синан паргIато хилар цул а мехала ду шуна шайн дахарехь, аьлла, дара иза. Цунна ладогIархоша деллачу жоьпашка ладогIа аьтто бу кхузахь.
ГIаланех Iеха ца ло балехь долу дог
Кху тIаьхьарчу хенахь Нохчийчу бахана хьеший баккхийбеш хуьлу, цигахь тIеман ларш дIайохуш, Соьлж-ГIала а, кхийолу гIаланаш а, ярташ а меттахIиттош бинчу балхах.
