ОвхΙанистанца машар лохуш, ша тΙалибийн ворхΙ лидер лаьцна кхобучуьра мукъавоккху, аьлла, даржийна Пакистанан Ιедало. Арахоьцуш болучийн цΙерш а яьхна Пакистанан арахьарчу гΙуллакхийн министралло. Стохка а мукъаваьккхира Исламабадо набахтешкара 25 тΙалиб. Иза нисделира шина мехкан президенташ Пакистанан шахьарахь машар бийца цхьанакхеттачул тΙаьхьа.
Карзай Хьамида, ОвхΙанистанан президента, тΙаьххьарчу хенахь дукхазза а гайтина ша тΙалибашца юкъаметтигаш тоян гΙертийла.