Кавказан къаьмнийн ассамблеян лидерна Кутаев Русланна Хьалха-Мартанарчу кхело набахтехь 4 шо а, цIахь маршонах хадийна 1 шо а даккха кхайкхорна арздан кечлуш бу адвокаташ, хаам бина царех цхьамма Заикин Петра. Наркотикаш лелорна бехке а веш бина кхело сацам.
Ткъа бакъоларъярхоша а, адвокаташа Кутаев, цо вайнах махкахбаьхначу денна лерина Соьлж-ГIалахь конференци вовшахтоьхна хиларна а, иза Iедална цатарца а дузу.