Иракъехь тIемаш бечу Исламан Пачхьалкхан бIаьхоша дIалаьцна оцу махкахь йоккхачех ларало керстанаш беха гIала Кхарагош. ТIамах къаьхкина мухIажирш бевлла эзарнаш бахархой. Курдойн пешмарга-тобанашца тIемаш беш яьккхина и гIала. Иштта еарийдийнахь дIалецна керстанаш беха кегий гIаланаш Талл-Кайф а, Бартелла а, Карамлеш а.
Оцу хьокъехь керстанашна гIодаре кхайкхина дуьне Римерчу Папас Франциска. Курдойн Киркук-шахьарахь шиIатойн маьждигна уллехь машен а эккхийтина, вийна лаххара а 6 стаг.