ГIажарийчоьнан президент РохIани Хьасан Азербайджане вахана официалан визитца. Цхьанакхетта иза Бакох президентца Алиев ИлхIамца а, парламентан депутаташца а. Иштта РохIани лерина ву Азербайджанан лаккхарчу куьйгалхошца цхьанакхета а, лулахошца йохк-эцаран гIуллакхаш дийцаредан а.
Ши кIирахьалха Бакох вахана хиллачу ГIажарийчоьнан, Азербайджанан Iедалан комиссин куьйгалхойх цхьаъ волчу Ваези Махьмуда дийцарехь, шина пачхьалкхан таро ю юкъарчу йохк-эцаран барам 10 миллиард долларе кхачон. Ши шо дара шина мехкан юкъаметтигаш, цара вовшашна тешамбацар а кхайкхош, нах леца болийча ийгIина.
Оцу юкъанна, хаам кхаьчна, Азербайджанан ницкъаша шайн дозанехь герз тоьхна чудожийна тIеман беракема, велла цу чуьра кхо стаг, аьлла.