Беляева Бирлант. Масар

Беляева Бирлант. Масар

Беляева Бирлант

Масар

Ша-ламан даккъашкахь,
Дорцан кIур хьийзачохь..
Чу яха хьех йоцуш,
Буьйсанна тIе юьссуш,
Мецачу зорханна
Къаж-бецан хелаг а
Берг хьоькхуш ша лайла
Доккхуш и халонца.
Шех ижо ян дагахь,
Тебачу цIоькъанах
Кур лекха шен ийбеш,
Къехкарца дIауьдуш.
Таллархойн шокъалех,
Мокхачу тархашлахь
ДIалечIкъа шен дезаш,
Ша къайла йийларца
Ламанца лелачу
Масачу масарах
Сан безам тера бу-
Вала цхьа Iу воцуш,
Эсала хьесталуш,
Да воцу буо санна,
И хьайна тIебеъча,
Куралла ахь ярна...