Your browser doesn’t support HTML5
Бисултанов Апти. Охунех тера ю хьан куьйгийн берчаш...
Бисултанов Апти
***
охунех тера ю
хьан куьйгийн берчаш
хаддаза къахьоьгучуьра
цхьана мIаьргонна уьш севцича
хьан куьйгаш тIехь ялта дер дара-кх Нана
суна гина
ахь кана эцна долу бIаьстенан доь хIу
хьан куьйгийн хершнашкахь худалуш
бIаьрхишца дашош
доIанашца дакъош
лелорна хир ду-кха хьан куьйгаш ишта
со кхоьру Нана
хьан куьйгаш тIехь Iожаллин ялта даларна