Your browser doesn’t support HTML5
Петирова ПетIимат. Безамо шалхо ца лайна...
***
Безамо шалхо ца лайна –
Кхин хир дац цул луьра герз.
И хьоьца карор ца тайна,
Хеди те сан деган мерз?
Со-сайца къамеле яьлла,
Ца лууш хьоьга дан арз.
Шеконийн барам тІехбаьлла,
Хеди те сан деган мерз?
ТІаьххьара хьоь кхайкха айлуш,
Йиш хелаш къарделча аз,
Вай цхьаьна хир дацар дазлуш,
Хеди те сан деган мерз?
Дикане сатийсам кхоло,
ТІесерсаш гуьйренан дерз.
Кхин цкъа а мукъам ца боло,
Хеди те сан деган мерз?