Кхаарин Iуьйранна Петропавловск-Камчатск гIали юккъехь цхьана беттачохь шолгIачу пикете араяьлла цигара пенсхо, яздо «Кам24» портало. Шен карарчу плакаташ тIехь Медведев Дмитрийн дешнаш яздина цо: "Ахча дац, аш сатохалаш" аьлла. Иштта дуьстина цо Китайхь, Германехь, Камчаткехь ток ягорах луш долу ахча а.
"Кадыров зуламхо ву, Немцов вийнарг и ву" аьлла йоза а ду цуьнан карахь.
Дахначу кIиранах а иштта пикет хIоттийнера цу пенсхочо гIалин драман, комедин театрна хьалха.
Чоьхьарчу гIуллакхийн пресс-гIуллакххоша бахарехь, полисхоша дуьхьало ца йина цунна, хIунда аьлча, цхьаъ ша хIоьттина дIахьо пикеташ Iедалшкара пурба доцуш магош хиларна.