Бусулба дино бусулбан стагана, еанан тIекхаччалц, цкъа цхьана гулбеш, зударий бало мегар ду, аьлла, ду - оцу зударашна юккъехь нийсо латтор йолуш йелахь...
Мегар ду алар - иза, уьш бало беза бохург дац, цхьаъ ян а йолуш, кхин цхьаъ а ялийчи, цу юккъе барт а балур бац, йа нийсо а ялур яц, аьлла, хеташ велахь - оцу цхьанница вахар гIолехь ду, аьлла, ду...Нагахь санна а, таро хилча а, царна юккъехь лело езаш йолу нийсо а лелалур йелахь а еаннин тIекхаччалц а зударий бало магийна. Оцу зударашна юккъехь нийсо а, царан юккъехь хила дезаш долу гIиллакх-гIуллакх а... оцу тIехь чIогIа ларавала везаш хьал ду цигахь, царан луш долчу напханца а, кхин долчуьнца а, муьлххачу хIуманца а нийсо латто йезаш ю цу тIехь. Маса зуда хилла вайн пайхамаран?
Керимов Сайд-Эмис: Хьалхара цо ялийнарг- Хадижат (нохчаш – Хедишт, олий, йоккхуш ю и цIе) хилла. Цулла тIаьхьа балийна бу цуьнан, иза кхелхинчулла тIаьхьа, вуьш зударий. Цо балийна болуш болу зударий - пайхамарца шеца къаьстина долуш долу хIума ду, оццулу зударий вайга балабе ца боху Дала, йа вайга и нийсо лелалур ю а ца боху.
Цо оццул зударий балийна аьлла, вайга а балабе бохург дац иза. КъорIан тIехь вайна билгалдаьккхина - цхьаъ, шиъ, кхоъ, еанна тIекхаччалц, аьлла ду.
Цуьнан хьалхара зуда - иза цулла йоккха а хилла - хенан, цунан дика накъост а хилла цунах. Цуьнан зуда хилла ца Iаш, кхин долчу муьллахачу а хIуман тIехь цуьнан дика накъост хилла ю цуьнан зуда. Цо дуккха а хIуман тIехь гIо а дина пайхамаран, Делера Салам хуьлда цунна. Вукхара ца дина, бохург, дац иза. Делахь а, иза къаьсттина - и пайхамаралла цуьнга дуссучу хенахь цуьнца хилла ю иза. Эццагахь цунна уггара чIогIа гIо оьшучу хенахь, накъосталла оьшучу хенахь, циггахь цуьнан накъост хилла лаьттина ю цуьнан зуда. ТIаккха иза дIаяьллачулла тIаьхьа кхин зударий а балийна цо. Цо оццул зударий балийна аьлла, вайга а балабе бохург дац иза. КъорIан тIехь вайна билгалдаьккхина - цхьаъ, шиъ, кхоъ, еанна тIекхаччалц, аьлла, ду.
Радио Маршо: Бусулба дино бохург ша-дерриг а кхочушдеш дуй таханлерчу Нохчийчохь?
Керимов: Вай долчохь дериг а... Вай цхьа - гIазакхашна а дайна – своеобразный (ша-тайпа) гIиллакхаш долуш нах ду вай... Зуда а, шарIо ма-баххара, майрачо лело езаш йолчехь, оцу зудчо и майрой лелош хуьлуш ду, дукхачу хьолехь, хIокху вайн махкахь. Иза ду вайн къаьстина долуш долу хIума... И цхьаъ йелахь а бен дац, шиъ йелахь а, кхоъ йелахь а, йиъ йелахь а, хьо дIахаьжча - вайн дукхах болу зударий белхаш беш, арахь бохкуш карор бу. Божарий - цIахь, бийшина Iоьхкуш карор бу... Зударий базарашкахь карор бу... Божарий - цIахь карор бу. Иза цхьа хIума ду вайн оцу бусулбан динца херделла догIуш. Зуда ара а ма ялийта, лела а ма лелийта, нахан юккъехь а ма хилийта, бохуш лаьтташ долчигахь а...уьш вайн лела безаш хуьлуш бу. Божарий цIахь Iаш Iедал долуш ду.
Радио Маршо: И шуна хезина къамел диначу дешаначу стага Керимов Сайд-Эмис иштта дийцина хьал маца хийцалур ду ала хIуттуш говзанчаш бац таханлерачу Нохчийчохь. Цул сов и чолхе хьал тадан гIерташ ницкъаш а бац цигахь, цкъачунна хаалуш.