«Нохчаша берашна дола а ца деш, уьш датесна хир ду», цхьа ткъеха шо хьалха аьлча, цхьанне а моьттур дацара иза бакъ хир ду. Амма, заманан билгало санна, тахана могIарера хилам бацахь а и санна дерг хуьлуш ду нохчийн юккъараллехь. Карара тIом а, хьалхалерниг боьдучу хенахь а, бIеннашкахь нохчийн бераш хилара, дан воцуш санна. Нохчийн маттахь «Да вала а велла, нана маре а яхана» бохучо боккъалла а, кхин дакъаза вала меттиг а йоцуш, дакъаза валар гойту.
Руслан це йолу кIант ша а ву оцу шина а тIамехь бала хьегна, тIехь да воллушехь. Арахь буьйсанаш йохуш, клейна хьожа а йохуш, нехан чу а вуьйлуш, хIуманаш а лечкъош. Оцу сихчу заманахь цаьрца бала болуш стаг а ца хилла. ЦIера девда лелаш а хуьлу и санна долу бераш. Шайна юкъахь и санна дерш а, кхидерш а хилара бохуш, церан дахарх лаьцна дийцира Руслана.
Шайн дас-нанас бохург а ца деш, цIахь болчара дуьйцург - нанас олу иза я дас олу иза - и хабар ца хета. ЦIера уьдуш лела уьш. Церан къа дац. ЦIахь етта а етташ лелош долу бераш дуй, церан къа ду
Руслан: Деллахь, хьуна бакъдерг дезахь, цхьадерш, да-нана долуш бераш а-м хуьлу. Цхьаболчеран да-нана ду. Цхьаболчеран дац. Арахула лела цхьа чIогIа хаза а ма дац нахана хьалха. Воккха хила а везаш, нахана юкъа вала а везаш, зуда яло а дезаш стаг ма вуй иза. Кхано, зуда ялаяхь, шенна хала хир ду-кха цунна. Нахана юкъавала яхь хир яц цуьнан. "Делан дуьхьа хьажа и сагIа а доьхуш лелларг ву-кха иза. Тхан хIума лачкъийнарг иза ву-кха и аьлла. Наха цунна хIума эр ма дац, цунна ца хезаш алахь а, букъ тIехьа эр ду. Хаза а ма дац и.
Аса а ма лелийна и хIума. Иза лелош берш а ма бу. Цхьана агIора, къа а ма ду церан. Вукха агIора къа а ма дац церан. ХIунда дац хаьий хьуна? Цхьана агIора, шайн дас-нанас бохург а ца деш, цIахь болчара - нанас олу иза я дас олу иза - и хабар ца хета. ЦIера уьдуш лела уьш. Церан къа дац. ЦIахь етта а етташ лелош долу бераш дуй, церан къа ду.
Маршо радио: Цхьана хенахь, жима волчу хенахь арахь лелла волу Руслан вара къамел динарг. Цуьнан дахар мелла а дIанисделла. Шена хаьа, ша лайна бала а, шега адамаш, мелла а цатешамца хьоьжура, амма, ламаз-марха а долуш, ша нийсачу новкъа ваьлча нехан ларам а, сий а девзира шена аьлла тидам бира Руслана.
Нохчийчохь тахана, ишшта халчу доьзалера бераш дIанисдан цхьанна а тайпа, Iедало латтош долу цхьа а цIа ца дисна. ГIиллакхехь ца лору, ишта дай-нанойн, уьш бацахь, уллерчу гергарчеран Iуналла а доцуш, бераш кхиор. Щелковски кIоштара вахархочунна белхаш бан 8 бутт тоьхна, цо доккхучу ахчанах I0 процент цуьнан кIентан хьелашна хьажор ду. И кIант ша муха кхуьур ву шен доьзал хилча, ца хаьа. Амма, шен дас цунна масалла гайтина.
