Оьрсийчуьрчу протестан Pussy Riot тобан кхаа декъашхочунна Толоконникова Надеждина а, Алехина Марияна а, Самушевич Екатеринина а, цара килса чохь Путинна дуьхьал йиш лакхарна догΙу таΙзар къастор ду кΙира даьлча.
Иштта хаам бина Москох Хамовникин кхело. Кхаа йоΙа шайн дов хоттуш леларг кхело деллачу тΙаьххьарчу дашехь тардира Сталинан заманарчу къиза хьолах. Царна кхаа шарна набахти кхачор доьху прокурора.