Пакистанехь парламентан харжамаш хир бу Стигалкъекъа-беттан 11-чу дийнахь.
Депутатийн и сацам бовзийтина цигарчу президентан пресс-секретара Бабар ФархатуллахΙа. Цкъачунна шен бакъонехь йолчу парламенто пΙераскан дийнахь ханна премьер-министр а къастор ву махкахь.
Пакистанехь тΙаьххьарчу 66 шарахь дуьххьара нислур ду, тΙеман инарлаш декъахь а боцуш, маьршачу нехан цхьана тобано Ιедал харжамашкахула кхечу тобане дΙалуш. Кхузза тΙеман карчам хилла цигахь 1947-чу шарахь Ингалсенах мохк мукъабаьлчхьана.
