Мзымта - Путинан сардам хьаьрчина мохк

Сочина гонахара лаьмнаш ирахьлаттадора цигарчу хьаннаша. Ткъа хьаннаша Ιалашдора цигара шатайпа жил-Ιалам. Кавказан Ιаламан акхалла, цуьнан хазалла шеца кхобу меттигаш яра Кремло ХХII Олимпан Ιаьнан ловзаршна къастийнарш. Иза дуьненна а кхочуш зулам ду, ловзарийн гΙишлош Мзымтахь йойла дац, Кавказан пехаш ду хΙаллакдеш, аьлла Путинан лаамна духьалвелира Сочера эколог Газарян Сурен. Цул тΙаьхьа цунна гΙелонаш ян йолийра Ιедалша. Доцчу бахьанашца гΙаттийра бехкталламан дов. Оцу бахьанашца Оьрсийчуьра вада дезна Газарянан. ХΙинца иза ву шена политикан тховкΙело еллачу Эстонехь.