Нохчийн хьаннашкахь, Iедалша хьулдахь а, тIемаш лаьтташ буйла гойту цигахь лазийна эскархой Оьрсийчуьрчу дарбан цIеношка кхачоро. Деношкахь Соьлж-ГIалара цкъа Воронеже а кхачийна, цул тIаьхьа Москох Коьртачу клиникан тIеман лазартне виллина 6 дархо.
«Кавказан Узел» агенталло бинчу талламаша гайтарехь, царех цхьа дакъа лазийна Таршхойн лаьмнашкахь тIемаш беш, Янди-КIотарна гергарчу хьаннашкахь. Цигахь тIематасадаларш лаьттийла тIечIагIдина оцу юьртан администраторо а.