ТIекхочийла долу линкаш

ЦIеххьана кхаьчна хаам!

Кбаада-150: Кавказ "къарйина" де


Туркойчоь -- Истамбулера чергазийн гулам, 2Чил2014

Кавказан тIом шаьш толамца берзор даздеш, Iаьржа хIорда йистерчу чергазийн Кбаада-майданахь эскарийн гайтам хIоттийна оьрсаша. И эшаме хилам дагалоцуш конференцеш, гуламаш дIабаьхьна кавказхоша дуьненан дуккха а маьIIашкахь.




Чергазашлахь уггаре даккхийчех ларалуш дара Кбаада-майданахь оьрсаша голатоьхна, аьлча а, дайначийн могIара кхачош, цIийла карчийна убыхийн къам. Оцу меттиган цIе ЦIен майда (Красная Поляна) а тиллина, базбина оьрсаша шаьш кавказхошна тIехь баьккхина толам.

ГIебартоша, чергазаша, адыгейша хIора шарахь а хьехабо шайна хилла эшамаш и де тIехIуттучу муьрехь. Тезетан ден а олу кху беттан 21-чу дийнах.

150 шо кхачар билгалдоккхуш гуламаш, конференцеш дIахьош бара чергазий а, цаьрца цхьана кхиболу кавказхой а дуьненан массо а континеташ тIехь санна. Москох 12 сахьт долуш тийналлин минот хIоттийнера дерриг а дуьненарчу адыгаша.

Истамбулехь бара Тезетан денна леринчех цхьа барам – историкийн, политикийн, кавказхойн баланийн бала болучийн конференци. Цигахь дакъалоцучу Туркойчоьнан вахархочо Абу Хьамза Ахьмада йовзийтира шайн Iалашо.
please wait

No media source currently available

0:00 0:02:00 0:00
Линкана тIе



Кхеташ ду, Туркойчохь, Iаьрбийн мехкашкахь, Европехь, Iамеркахь бехачу кавказхойн кхетамах къаьсташ ду Оьрсийчуьрчу адыгийн Iедало 150 шо хьалха Кавказера тIом берзарца дузуш, хиллачун-леллачун мах хIоттор. Кремло Кавказехь хьаькамалле хIиттийначара а даре до и Iаьржа де цкъа мацца а деъна хилла хилар.

Амма Оьрсийчоьно шен кога кIел Кавказан къаьмнаш дийшор хенан йохалла церан ирс хила хьаьгIна дара боху къамелаш хезара кхаарийн дийнан барамашкахь Нальчикехь, Черкесскехь, Майкопехь.

Делахь а иштта хьахийна а, хьаькамаша бохаман де хьахор а доккха хIума хета кавказхошна.

ГIебарта-Балкхаройчоьнан президента Коков Юрийс Нальчикерчу гуламехь иштта долийра къамел.

Коков: «Адамийн оьмарехь кIезиг ца хилла тIемаш. Делахь а Кавказан тIом шен бохаллица, къизаллица, баларш дукха хиларца ша тайпа меттиг дIалоцуш бу. И тIом бахьанехь адыгийн халкъан доккхахчу декъан даймохк бита дезна, дерриг дуьнентIехула даьржина. ТIамо адыгийн халкъан массех чкъуран кхоллам хийцина».
please wait

No media source currently available

0:00 0:07:55 0:00
Линкана тIе



КхидIа Коков Юрийс мел ирсе бу Оьрсийчохь баха бисина адыгаш бохучу маьIнехь дийцира.

ХIун ду 150 шо хьалха Стигалкъекъа-беттан 21-чу дийнахь Кбаада-майданахь хилларг, хIун тIаьхьало нисъелла, хIун маьIна дара оьрсийн империно цигахь баьккхинчу толаман? Оцу хьокъехь Маршо Радиоца къамел дира историн доктора Вачагаев Майрбека.
please wait

No media source currently available

0:00 0:11:25 0:00
Линкана тIе



Хьаькамаша шайгахь халкъан бала хилар, шаьш а цуьнан кIентий, мехкарий хилар гойтуш дина къамелаш дуьйшур ду кхин а цхьа шо даллалц. Ткъа Кавказан баланийн, халкъаша шайца кхобу дагахьбаллам-м бац цкъа а кхачош.
Делахь а, Вачагаев Майрбека ма-аллара, Кбаада-майданахь эшаро декъазчу хорша дерзийна дахар бердаш шуьйрра, маьршша долчу некъа даллалц дуьтур дац кавказхоша эшамаш дагалецар а, паргIатоне сатийсар а.
XS
SM
MD
LG