100 шо хьалха Австро-Венгерин Империно тIом дIакхайкхабо Серби-пачхьалкхана, Сараевохь Сербийн националисто Принцип Гаврилос Австрин эрц-герцог Франц-Фердинанд вийначул тIаьхьа. Иштта дIаболало луьра Хьалхара Дуьненан ТIом. Оьрсийн Импери тIама юккъе яхча, цхьаболчу кавказхоша лоцу дакъа цу тIамехь. Къаьсттина гIарайолу Кавказан Махкахойн Дошлойн Дивизи (я "Акха Дивизи"). Тахана оха шун тидаме дохку цу юккъехь гIуллакх дина хиллачу суьйлийн тIемахойн сурташ.
"Акха Дивизин" суьйлийн дошлой
1
Оьрсийн эскаран полковник Джафаров Мохьмад. 1937-чу шарахь Сибрех вохуьйту иза.
2
Малачиханов Абубакаран сурт Манчжурехь даьккхина ду. Цигахь болшвекашца тIом беш вара иза.
3
Хунзахера Хасанов МухIаммад.
4
Чиркей-юьртахь вина волу штаб-ротмистр Доногуев Мухьудин. 1915 шо.