ТIекхочийла долу линкаш

ЦIеххьана кхаьчна хаам!

Соьлж-ГIаларчу концертан зала хьалха Iожалхочо, ша а оьккхуьйтуш, полисхой байар теракт санна туьдийла дац аьлла даржийна Талламан комитето. ХIинццалц и санначу зуламех теракташ а баьхна, хIинца эккхийтар Iедало кхечу зуламийн могIара даккхар кхетош дац я юристаша а, я кхечу тергамхоша а.

Хилларг, Iедалан хьостанаша гайтарехь, иштта ду. Сарахь ворхI даьлча, Соьлж-ГIалин денна лерина концерт хила езачу метте а кхаьчна, концертан зала чуваха воьлла 19 шо долу жимастаг. Цунах шек а бевлла, иза дегI толлучу аппаратах чекхваккха полисхой боьллачу муьрехь, цо эккхийтина шеца хилла бомба.

Эццахь велла 4 полисхо, тIаьхьа дIаваьлла пхоьалгIаниг. Гаьргех кеп-кепара чевнаш хилла 12 полисхочунна. Ша бохаман фабула иштта ю.

Полицин урхалло билгалдоккху, нагахь санна и жимастаг концерте а кхаьчна, нахана юкъа а тарвелла, иккхинехь, зе долучул а дуккхаза а сов хир дара бохуш.

Беллачийн цIерш а йовзийтина. Уьш бу полицин эпсарш а, цхьа сержант а – Мальсагов, Бицаев, Сатаев, Шатоев, Арзамиев.

Эккхар хиллера, нах байинера аьлла доцуш, тIебаьхкинчу а, бухарчу а артисташа хIоттийна, чекхъяккхина шайн концерт.

ТIахьо мехкан администратора, оцу дийнахь ша вина 38-гIа де даздеш волчу Кадыров Рамзана шен кепехь довзийтина концертан зала хьалха нисделларг. Цо дийцарехь, шеца тапча а йолуш, тIевеъна стаг ша полисхойх ву моттийта воьлла. Ткъа талламан детектора тIевигича, иккхина. «ШайтIанаш дезчу дийнахь ян гIоьртина теракт чекх ца яьлла, ерриг а гIала ю шен де даздеш ю», - дIакхайкхийра Кадыровс.

Иккхинарг хан ялале вевзина талламхошна. «Старопромыслан» олучу кIоштера Мударов Апти ву иза, цара дийцарехь.

Амма. Кху деххачу шерашкахь цкъа а ца динарг ду хIинца махкарчу Талламан Комитето деш. Эккхийтар бехктакхаман кодексан шина артиклехь зуьйш а, толлуш а ду: «низамлардархойн дахарна тIекховдар» а, «низамехь а доцуш герз лелор» а. Ткъа ша даьккхина къастош ду Комитето, дина зулам теракт ша ца лору аьлла.

Оьрсийчоьнан а, кхечу пачхьалкхийн а юридикан Iилмано теркактца гойту массо а билгало йолуш ю Соьлж-ГIалахь динчу зуламан. Цунах ца олийла а дац теракт, бохуш ду тергамцийн цецбовлар.

Талламчин а, прокуроран а зеделларг дуккха а шерашкахь гудина волчу юристе, Москох вехачу адвокате Хадисов Масага хаьттира Маршо Радионо, стенах ала догIу терроран акт. Цунна иштта го цуьнан башхаллаш.

Хадисов Муса: Стенах олу теракт
please wait

No media source currently available

0:00 0:00:34 0:00
Линкана тIе

Мел мухха а делахь а, эккхийтарх теракт ца ала ойла хилла Талламан комитетан. Ткъа дуьххьара цунах и ца эриг ша Кадыров Рамзан нисло. Цо шозза-кхузза хиллачу бохамах лаьцна даржийна, теракт дан араваьлла Маударов шен хенна сацийна, цуьнан аьтто ца баьлла иза ян, аьлла. Ткъа пхи полисхо вер а, 12 лазор а теракт олучу дезачу зуламан могIара ца доккху Iедало.

Стенна?

Оцу хаттарна жоп иштта го юристна, Москохарчу адвокатна Хадисов Мусана.

please wait

No media source currently available

0:00 0:00:55 0:00
Линкана тIе

Мударов Аптис дина эккхийтар (нагахь куьг бехкениг билггал иза велахь) теракте дIа ца кхаьчна зулам лара догIу Талламан комитетна а, администраторна Кадыров Рамзанна а гергахь.

Цхьа шатайпа хаттар хIоттало хIинца. Вайна лаахь а, ца лаахь а, къепедацарш, ерриг а Кавказехь а санна, лелаш ду Нохчийчохь а. Хьаннашкахь хуьлу, баккхий ца хилахь а, тIемаш. Болуш бу лаьмнашкахь тIелетарш дан а, иштта лелхийтарш дан а хьогам болу гIаттамхой. Цхьаммо а юха ца яьккхина йолучуьра Кавказан Имарат а.

Ткъа кхидIа хила тарлучу лелхийтарех ца ала яздеш дуй-те теракташ? Хийцалуш-м бац-те оцу зуламашка болу Кремлан хьажам? Цунна лиича, кхин цIе тилла а ма тарлой тахханалц тероран акт олуш хиллачу лелхийтарех, тIелетарех. Ткъа зуламан цIе хийцарх дайлой-те деш схьадогIу дараш?

Шуна хетарг

Гайта комментареш

New Comments Available
XS
SM
MD
LG