ТIекхочийла долу линкаш

ЦIеххьана кхаьчна хаам!

МаслаIат динчул тIаьхьа 330 сов стаг вийна Украинехь


Герзаш деттар сацон барт бинчул тIаьхьа 331 стаг вийна Украинин малхбалехь. Цуьнах лаьцна хаам бина Цхьаьнакхеттачу Къаьмнийн Организацин мониторинган миссино конфликт йоьдучу меттера хьал дуьйцуш кечдинчу рапорт тIехь. Юьйцург ю Марсхьокху-беттан 18-чу дийнахь дуьйна Гезгмашин-беттан 16-гIа дене кхаччалц йолу хан. Верриг а 6 баттахь хиллачу тIамехь вийнарг ву лаххара а 3660 стаг. 8756 стаг чевнаш хилла ву.

Мониторинган тобано кечдинчу документана тIехь дуьйцуш ду, машар бале хьалха сепаратистийн агIонеха тIом беш дуккха а кхечу пачхьалкхашкара нах хилар, шайна юкъахь Оьрсийчоьнан махкахой а болуш. Царна юкъахь бу Оьрсийчоьнан эскархой а. Цхьаьнакхеттачу Къаьмнийн Организацин адамийн бакъонашкахула йолчу урахаллан Украинехь мониторинг йон мисси кхоьллина кху шарахь Зазадоккху-баттахь. Цу юкъахь ву 35 стаг.

Оха хьоьхург

XS
SM
MD
LG