Динах лаьцна зорбанан гIирсашкахь беламе сурташ дахкар мегар доцушш хIума ду аьлла дIахьедар дина Оьрсийчоьнан Роскомнадзор урхалло. Цу тайпа беламе сурташ даржор адамашна юкъахь хьагI-гамо кхоллар санна туьдур ду Iедалша. Ткъа иза зорбанан гIирсех а, эскстремизмана дуьхьало ярх лаьцна а долу низамаш дохор ду аьлла ду Роскомнадзоро динчу дIахьедарна тIехь.
Оршотан дийнахь Роскомнадзоран Камчаткерчу декъо меттигерчу зорбанан гIирсашка кехат дахьийтинера диндайх лаьцна беламен сурташ даржор а, Парижехь кху беттан 7-чу дийнахь хилларг бакъдеш сурташ даржор а мегар долуш хIума дац аьлла.
