ТIекхочийла долу линкаш

ЦIеххьана кхаьчна хаам!

Террорахошна уьйраш яц Куба-пачхьалкхан


Iамеркин президенто Обама Барака дехар дина Конгрессе терроризмана гIортор ечу пачхьалкхашна юкъара Куба дIаяккха аьлла. Кху беттан 14-чу дийнахь Обамас шен Конгрессана хьажийначу къамелехь дIахьедар дира, Кубин коммунистийн Iедалша кху тIаьхьарчу 6 баттахь цхьана а кепара накъосталла цадина дуьненаюкъарчу террорахошна аьлла.

Цо иштта хаам бира, ХIавано дош делла шаьш иза тIейогIучу хенахь а дийр дац аьлла. Цу тайпа дIахьедар дина Iамеркин президенто Обама Барака ша Кубин куьйгалхочуьнца Кастро Раулца цхьаьнакхеттачул тIаьхьа масийтта де даьлча. И цхьаьнакхетар хилира Панамехь Iамеркин пачхьалкхийн саммитан клуарашкахь.

Цхьаьнатоьхначу Штатийн а, Кубин а куьйгалхоша цу тайпа цхьаьнакхетар даза дара 50 сов шо. Iамеркин пачхьалкхан департаменто билгалъяьхначу терроран амал йолчу пачхьалкхашна юкъахь Куба хиларо новкъарло йора цу шина пачхьалкхана дипломатийн юкъаметтигаш юхаметтахIитто.

Оха хьоьхург

XS
SM
MD
LG