ТIекхочийла долу линкаш

ЦIеххьана кхаьчна хаам!

«Кавказ Имарато» шена керла амир хаьржина


"Кавказ Имаратан" байракх

Бутт хьалха вийначу «Кавказ Имарат» амиран Кебеков Iела-Асхьабан меттиг дIалаьцна Дагестанерчу Сулейманов Мохьаммада. Муха ду тахана Имаратера хьал? Мел таронаш ю цуьнан карахь Къилбаседа Кавказехь шаьш Iедалца хIинццалц латтийна къийсам кхидIа а дIабахбан? И хаттарш ду тахана лелаш.

Бахначу беттан 20-чу дийнахь, даима а хуьлуш ма-хиллара, масситта бIе эскархо а, иттанаш гIагIадиллина машенаш а араяьхна, гобина, цIено а эккхийтина, цу чохь вийра «Кавказан Имаратан» лидер Умаров Докка кхелхича, шарахь амир лаьттина Кебеков Iела-Асхьаб.

Иза дийна а волуш буьйлабелира Дагестанера а, Нохчийчуьра а муджахIидаш «Кавказан Имаратна» шаьш биина дуй а бохош, Шемахь, Иракъехь тIемаш бечу, шех «Исламан Пачхьалкх» олучу боламан куьйгалхочунна ал-БагIдади Абу-Бакарна байIаташ дан.

Оцу бахьанийца интернетехула ша яржийначу видеошкахь Кебедов емал а бира шен куьйгакIелхьара бийлабоьлла муджахIидаш.

Баттахь хууш дацара мила хаьржина амиран кхерамечу дарже «Имарат Кавказо».

Ткъа хIинца баьржинчу хаамца – ала дашна, кхеташ дац иза хьангара, муха баьржина а – рогIера амир хIоьттина, шел хьалхарниг а санна, «Имаратехь» ШарIан кхел лелош волу Сулейманов Мохьаммад (ГIимрара Абу Iусман шех олуш волу къеда).

Харжамах лаьцна зорбанехь дуьххьара хаамбинчу Оьрсийчоьнан Исламан комитетан куьйгалхочунна Жемал Гейдарна а ца хаьа, муьлхачу хьелашкахь хаьржина амир Сулейманов.

Карарчу муьрехь Къилбаседа Кавказера дукха тIемалой «Исламан Пачхьалкх» олучу тобанашкахь Шема а, Иракъе а дIабахна хилар а, бухабуьсурш оццу тобанашна байIат деш хьийзар а юьхьарэцча, бакъо йолуш ду лела хаттар: хIун хир ду шех «Кавказ Имаратах», хедаш-м бац-те цуьнан некъ?

Маршо Радионо иштта хIоттийначу хаттарна шена хетачу хьесапехь жоп делира дуьненаюкъарчу талламийн институтан белхахочо, Кавказера хьал диллина шен тергонехь латточу Iилманчас, ша а дагестанхо волчу Ярлыкапов Ахьмада.

Ярлыкапов: «Кавказ Имаратна» гонаха хьал, цхьатеррачу боларахь хийцалуш, сихонца доьду. Бакъдан деза, "Кавказ Имаратан" амир Кебеков вийначул тIаьхьа ситуаци Iаламат чIогIа холчухIоьттина хилар, цул совнаха дукхахболу тIеман баьччанаш, лахарчу тIегIанеранаш массо а бохург санна, "Исламан пачхьалкх" шех олучу тобанах дIаийра.

Цундела "Кавказ Имарат" шалаьттар ю аьлла ца хета суна, и хир ю "Исламан пачхьалкхан" филиал. Ишта нислахь боккха кхерам бу. Таронаш ледара ю аьлла хета суна, дуьхьало ян. Шуна ма-хаъара, Оьрсийн пачхьалкхе тергонехь, тIеIаткъамехь ца латтало " Кавказ Имарат», цуьнан тIемалой, церан куьйгалхой.

Мел хIуъа дийцарх а, "Исламан пачхьалкх" шех олучу боламан проектан тIаьхьало ю "Кавказ Имарате" ладоьгIча. Ткъа "Исламан Пачхьалкхан" филиал хилча дIахIоьттича, ахчанца алсам гIо хир ду Кавказерчу тIемалошна, шаьш-шайна, "Кавказан Имарат" аьлла уьш лелачу хенахьчул»

Кебеков Iела-Асхьаб вийча, цунах бисина меттиг шина стага дIалаца тарло аьлла яра тергамчийн прогноз. Буьйцучех хьалхарниг вара Нохчийчуьрчу гIаттамхойн амир Вадалов Асламбек. ШолгIаниг – хIинца амир хIьттина бохуш вуьйцу «Имаратан» къеда Сулейманов.

Хаттарна, «мила ву амир?» - жоп хIинца долуш ду. Ткъа хезаш вац я Вадалов Асламбек а, я дуккха а кхиболу цкъачунна балаза болу муджахIидаш а.

Иштта кхеташ дац, кхана мел ницкъ карахь болуш юьсур ю «Имарат Кавказ», я цунах, хуь-хуьлаш «Исламан Пачхьалкх» олучу тIеман тобанийн дакъа хир ду.

Хьажа комменташка (2)

ХIара форум дIакъевлина ю.

Комментари

New Comments Available

"Венера Анзор" цIарца вевза Умаров Мамихан вийна Австрехь. Бахьанаш хIун хета шуна?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

Оха хьоьхург

XS
SM
MD
LG