Шайн кегийрхой Шема леларна синтем байна пIаьнгазхойн

Дукха хенахь дуьйна евзаш ю Гуьржийчура ПIаьнгаз чIоже нохчийн гIаттамхой а, цхьацца герзаца лела нах а, Iедало магош доцу арахьара рицкъ чукхоьхьу нах а дIатарбелла меттиг санна. Цигара кегийрхой бу «Исламан пачхьалкх» шех олучу тобанан могIарш дузурш а. ПIангазарчу къанойн кхеташоно дехар дина Гуьржийчоьнан Iедалшка шайн кIоштара кегийрхой Шема тIаме оьхучура совцо оьшуш йолу гIулчаш яхахьара аьлла.