ПIераскана хиллачу кхеташонехь «Iазапна дуьхьалояран комитет» дIакъовла сацамбина цуьнан декъашхоша. Деношкахь оцу хьокъехь ша кехат хьажор ду Оьрсийчоьнан юстицин министралле аьлла хаамбина комитетан куьйгалхочо Каляпин Игора.
Бакъоларъяран болх «Iазапна дуьхьалояран комитето» битар бахьана ду ах шо хьалха иза «арахьара агент» олучу статусе яккхар. И хьукмат а санна, оццу бахьанийца дIакъовлаелла кху муьрехь массех бакъоларъярхойн юкъаралла.
