Набахтера цIавеана тIемало

ТIамехь дакъалацарна 10-15 шераш набахтешкахь даьхна нохчий бу маьршабовлуш. Доггах сатийсина гергарнаш, веза-вевзарш оьху вокзалашка царна дуьхьал. Амма кхерамах мукъабевлла а бац сенханлера тутмакхаш. Дуккха а хир ю церан дисинчу дахарехь чолхенаш. Маршо Радион корреспондент нисвелира Устрада-ГIаларчу аьчка некъан вокзалехь иштачех цхьаъ, набахтехь 15 шо текхна Майрбек, цIавогIуш.