ТIекхочийла долу линкаш

ЦIеххьана кхаьчна хаам!

Iамерка сихлур яц шен эскарш ОвхIанистанера арадаха


ОвхIанистанера Iамеркин эскарш арадахар сих цадан сацам барх лаьцна дIахьедар дина президента Обама Барака. Цо бинчу хаамца, 2016-шо чекхдаллалц цу махкахь вуьсур ву 9 800 Iамеркин эскархо. Цул т1аьхьа итерахь лархдийр ду 5 500 кхччалц.

Iамерко юьхьарлацначу планаца а догIуш, 2016-гIа шо чекхдолуш ОвхIанистанехь биса безаш бара Кабулехь Цхьаьнатоьхначу Штатайн векалалла ларйеш болу эскархой. Амма тIеман министраллана хетарехь, «Талибан» боламера болу кхерам алсам балар бахьана долуш, цигахь биза беза мелла а алсам Iамеркин салтий а, эпсарш а.

Стохка ГIура-баттахь Iамерко а, НАТО-но а официалан кепара дIаерзийра шаьш ОвхIан махкахь дIахьош хилла тIеман операци. Карарчу хенахь цигахь долчу НАТО-н эскаран терахь ду 13 эзар стаг.

XS
SM
MD
LG