ТIекхочийла долу линкаш

ЦIеххьана кхаьчна хаам!

Дала деллачу куьцаца къовсавелча...


Хьалха ийзалуш хиллехь а, хIинца Нохчийчохь могIарера хIума ду пластикан хирурги.

Пластикин хирургехь мара нисбар-могIарера операци ю. Къасттина Нохчийохь, хIора кхозлагIа жима стаг латар а, бокс а Iамош хилча-м, и лоьраш болх боцуш ца буьсу.

Иштта жима стаг шен мара нисбайта охьавижина хилла «Берс» цIе йолчу доларчу клинике. Операци ечу хенахь дог сецна, иза велла. И бохам хиллачул тIаьхьа болийначу талламо къастош бу лоьрийн бехк. ХIинца и гIуллакх кхеле кхаьчна. Цигахь къастор бу хиндолчу таIзаран барам.

Пластикан а, косметологин а операцеш Нохчийчохь дукха яьржина ю. Хьалха хебаршка яхана йолу юьхьтIера чкъор озадайта бен ца доьхура лоьрашкара гIо.

ХIинца шайн жималле а ца хьоьжуш мара а, бIаьрг а, балдаш а, кхийолу цхьацца дегIан меженаш а нисйойту Нохчийчохь.

Цундела, шортта и операцеш ечу меттехь, уьш юхахьайийлар а дукха хуьлу, аьлла Маршо Радиога дийцира, ша а долахь йолчу цхьана клиникехь болх бечу, шен цIе яккха ца лиинчу лоьро.

Лор: «Дукхачу хьолахь кегийрхой бу: йоIарий а, кIентий а. Еш ерг косметикан операцеш хуьлу. Делахь а, царна юккъахь садеIаран бала хьоьгушберш а ууьрсан кIела боьлху».

Кегий нах а, зудабераш а, а дукха ду пластикан операцеш йойтуш. Уьш тIаьхьарчу хенахь дукха бу аьлла, кхин дIа а дийцира Соьлж-ГIаларчу клиникехь болх бечу лоьро.

Лор: «Кегий нах дукха бу-кх и операцеш яйта лууш. Ца йича а, мегар йолуш а хуьлу. Сан сайн гергара нах а бу иштта лоьрана тIебахча, цара «хIан-хIа» аьлча, кхечарна тIе а оьхуш, «яхьара шайна» бохуш.

Телехьожийлашкахь йоккха пропаганда ю хазаллин. Журналан тIера хазачу мехкарех, кегийчу нахах тарбала лууш хуьлу уьш».

Пластикан операцеш еш йолу салонаш Нохчийчохь, къаьстина Соьлж-ГIалахь дукха ю. Стохка кхузахь уьш ерриш дIа а къевлина, талла йолийра Iедалша.

Бахьана дара, оцу цхьана шарахь цигахь операцеш йинчу иттанашкахь зударшна уьш юхахьайовлар

Хьажа комменташка (5)

ХIара форум дIакъевлина ю.
New Comments Available

Оха хьоьхург

XS
SM
MD
LG